طريقه تحضير البيتي فور للعيد

70

كتبت : هند دبور

طريقه تحضير البيتي فور

المقادير:

300 جرام دقيق وزياده معلقه كبيره، يعملوا تقريبًا اتنين ونصف كوب ناقصين معلقه كبيره، والأفضل أن المقدار يبقي بالميزان.

ثلثين كوب سكر بودره يعملوا 100 جرام سكر بودره
فانليا.

رشه ملح.

اتنين صفار بيض.

ربع كيلو زبده قطع صغيره من الثلاجة. يعملوا 250 جرام.

معلقتين كاكاو خام.

الزينه شيكولاته خام ابيض وبنى مذابه، أو مكسرات أو اي زينه تحبيها

الطريقه:

نضرب الزبده كويس جدا جدا بالمضرب الكهربائي وبعدين نضيف السكر البودرة ونضرب لحد ما تبقى كريمى.

نزل بصفار بيضه الاول ونضرب لحد ما يختفى وننزل بصفار بيضه تانيه ونضرب تانى نضيف فانليا ورشه الملح
بعد كده نضيف الدقيق ونقلب بس بايدك بقي أو معلقه خشب لان البيتيفور ده ناعم. حرام نعحن ممكن ينشف.

اللى بقى عايز بالشكولاته نشيل معلقتين كبار من الدقيق ونضيف اتنين كبار كاكاو خام.

ونشكل البيتيفور بكيس حلوانى ويدخل فرن 160 حرارة ليصبح أول درجات لون الدهبي.

وكل عام وانتم بخير.




اترك تعليقاً